( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على التعبير وإملائي

حبيبتي وان جيت اسولف لك ابطيت
أبطيت اسولف لك والاحزان تمدي
غيبتك موت وهالمسافة توابيت
وان مت من بيكمّل الحزن بعدي

أشعلت لك سيجارتي وإنطفا النور
وأشعلت نوري وإنطفت بي عيوني
شفني بليّا كاس ياليل مخمور
شفني بكيت بدون لا يضربوني !
شفني أدور / ألف و آلفّ / وأدور
وأرجع إلى نفس الزوايا بدوني
ألملم ظنوني وأعرف أرضها : بور
وإن قمت طاحت بي بقايا ظنوني !
من يسدل ستار الوعد ياهل الدور
من يِنْزِل الشارة ويرحم جفوني .؟!

كل ما كتمت الضيق شانت دنيتي
كني حبيبْ الهمْ وحالفْ ما يخون
وكل ما رفعت الراس أخبي دمعتي
أرتمي الشمس وخانتني العيون

إن جيت أضحك يبيّن حزني في عيني
يا ويل قلبي مـن الدنيـــــا أيا ويله
قلت: أبتسم له وأخبـــي حسرتي فيني
لقيت دمعــــي نزلي وقـــال: شحليله

بعض الاشياء ما تسوى يا قلبي تحتفظ فيها
عطر محبوبك اللي راح وبقايا أغراض منثوره
وصوره مرْ عليها الوقت تعاتبها وتحاكيها
لا إنتَ مقتنعْ تسْكتْ / وعيّتْ تنطقْ الصوره