بسم الله الرحمن الرحيم
اخواني واخواتي اعضاء منتدى
أسعد الله اوقاتكم بكل خير
يسعدني ويشرفني ان اضع ديواني بين ايديكم
وقد تأكدت من ذائقتكم الشعرية ورقيّكم الادبي والفكري
من خلال قصائدي التي كتبتها هنا ومن خلال ماتكتبون وماتنقلون
في منتداكم الراقي بكم والزاخر بعطائكم

أرجو منكم احبتي عدم الرد
حتى تكتمل القصائد ولكم كل الحب والود
اخوكم هلال المنجومي العتيبي

أمّــــي

أمي الله يحيّيها ويسعد مســـــــــــــاهــا
شــــــــرّفت دارنا والبيت نوره تــــــلالا

أشرقت ظلمة النفس وتجــــــلّى ضيــاها
والخواطر بحضرتها تبختـــــــــــر جمالا

في حضور أمّي الاشواق تســمو مداهـــا
والمشاعر تغّني بهجة وابتــــــــــــــــهالا

لو بغت نور عيني ماتردّدت جـــــــــاها
ولو بغت كلّ عمري تــــــــــم ماقلت لالا

ماعبرنا الطريق إلا بنعـــــــــــمة دعاها
لين صرنا بفضل الله سواة الجبـــالا

دايم تقول وتردّد وترفع يـــــــــــــــــداها
الله يصونك ويحفظك رب الجـــــــــــلالا

لو عملنا وقلنا مالحقنا جـــــــــــــــــزاها
ارضعتنا الغلا والطيب نــــــــــــبعٍ زلالا

يوم أبونا توفى في بداية صباهــــــــــــــا
ورثت الفقر مع بنت وثلاثة عيــــــــــــــالا

استعانت بمولاها يسدّد خطاهـــــــــــــــــا
زادها الفقر قوّة والعذاب احتمــــــــــــــالا

من شتات وغثا الايام لمّت قواهـــــــــــــا
تعبت وشقيت وعانت وربّت رجــــــــالا

كانت تشوف في ضحكة ولدها دواهـا
وإن تعب تتعب وتسهر ليالٍ طـــــوالا

إن زعل واحدٍ منّا تعكّر صفاهــــــــــــا
وإن فرح تشعل الدنيا فرح واحتفــــــالا

امّنا مدرسة تعليمنا في حماهـــــــــــــا
امّنا كنز/ مكسب/ ثروه /وراس مـــــــــالا

واجب انّا نقدّرها ونشكر عطاهـــــــــا
مابقي غير هيلٍ في حلوق الـــــــدلالا

نسأل الله لها حسن الختام ورضـــــاها
من رضاها رضى الرحمن جل وتعالى

بقلمي
اخوكم هلال العتيبي

الكحــــل

دخيل الدمعة اللي حوّلت با لكحلة من العين
وصار الكحل فوق الخد لــوحة فن مرسومة

سواد في بياض وزين زايد زين زايد زين
ترى من ينتحرفاهْداب عينك محد( ن )يلومه

ابدمقوى البكى في ساعة التوديع لاتبكين
انا وين اتذرّى عن رماح الدمع وسهومه

اليا منّك بكيتي صرت كلمة تحتها خطين
وصرخةغيرمسموعة وجمله غيرمفهومة

تجر عنا مرار الد هر كاس وبعدها كاسين
وأخذنا من حلاها زاد ر طرقي ليله ويومه

تنازعنا الحلا والمر مدري كيف مدري وين
لكن المعركة للمر معروفة و محســومه

تقول اصبر واقول اصبر؟صبرنا !!طيّب وبعدين؟
غفا نجم الأ مل في ليلة ظلماء ومعسومه

اكيد العسر بعده يسر والشدة بعدها لين
ترى الأعمارمكتوبة ترى الأرزاق مقسومه

يا حظ اللي تلحّف بالهداية والتزم بالدين
ويابخت النفوس اللى عن الزلات معصومه


مع تحياتي/اخوكم هلال المنجومي العتيبي