في ذاكرة هذا المكان .. أحوال من حالي
ابطى سواد الملامح .. وابتدى فيها
للحين اشوفه واحسّه .. موحش وخالي
للحين اعيشه .. على تاريخ ماضيها
جرّت حروف الكلام وصوتها الغالي
واحساسها المختلط بي مع أمانيها
حتى نهاية بدايتها .. على بالي
متذكر أول جروح القلب , وأخفيها
جمَعت حزن القلوب .. بقلبي البالي
نثرت دمع العيون .. بعين تبكيها
وقت الغروب بـ وطنها / صار منزالي
كل يوم أسج الحروف .. لعين تغليها
تحن لي لا ابتعدت .. وتطلب وصالي
وأنا اقلب الدنيا عليها .! بس ألاقيها
هذا مكان الحياه .! بقصرها العالي
اللي انكتب فيه شعري في معاليها
احن له من قديم الوقت .. والتالي
احن لأطلال قصرٍ .. كان يحويها
راح المطر : ما ارتويت .. ودنّ زلزالي
يوم أشهب القاف غنـّى .. في حراويها
هذي قصيدة زماني يا زمن والي
افهم معاني شعوري .. يوم أغنيها
مدام عايش .. ومرهي دونه ظلالي
لا خوف , من مقبل ايامي وتاليها
وسـلامتكم
.
ذاكرة هذا المكآن ^ 
رد: ذاكرة هذا المكآن ^ 
العرض العادي
